HNAM PHATSAN NGE HMANGAIHNA? by Kawlhawk
Hman Ni chu, Aizawl City Park luh lohna a rei tawh bawka tiin, ka Office dawr haw ka peng lut mai mai a. Chhun, Ni sen sat lai ani a, a lo reh thiap a, Midang tumah ka hmu lo. Thlifim a thaw heuh heuh bawk a, a nuam reuh phian mai. Chutia ka thut chawlh mek lai chuan, Sap Tlangval leh Mizo Nula hi Kut insuih rialin an rawn lut ve a. Ka chawlhna piah, chawlhbukah chuan inhaw lo zet hian an thu dun a. Tawkfangah chuan a Mipa chuan nghet taka kuahin, duhthawh takin a fawm ta ngawng ngawng mai a. Nula-i pawh chuan alo dawngsawng tha hle bawk a. (Hmana VDP mawl deuh deuh ho khan hmu se, talhfiak nen an um leh duh mai ang em? :evil:)
He ka thil hmuh hian ngaihdan Chi 2 min ngaihtuah chhuah tir a.
Mizo Tlangval heti zat, kan awm thep-thup laia, Hnamdang Val kher a thlang/ hmangaih kha, Hnama a chian loh vang ani. Hmangaihna ti a, sawi mawi/ mam theih ani lo. Hnama chiang tak chuan “Mizo Val Ngei” a hmangaih tur ani. Kha Nula kha Hnam phatsantu dik tak ani.
“Hmangaihna” ani miau a; Hmangaihna chuan– Hnam, Sakhua leh Vun rawng a thliar si lo. Kha Nula kha tawngpawng dem ngawt tur ani lo a, Hnam phatsan ang hiala sawi tur ani hek lo. Hmangaihna ani a, Hnama chian leh chian loh vang lam a kawk lo e!
Enge inngaihdan?
‘Hmangaihna’ leh ‘Hnam Feeling’ hi engtia thliar hran tur nge? Thliar hran chi ani rèng em? Eng chena kal kawp thei nge? Ngaihdan Extreme deuh nen kan kal zel dawn nge, rilru zau tak neih kan zir dawn? Hnamdang Nupui Pasala neite hi deusawh takin, Thu dengkhawng tak tak nen kan la vawm zui zel dawn nge, Hmangaihna ani, Keini sawi phak a awmlo e… tiin kan thlir liam mai mai dawn?
Hnama chiang kan tih hi engchen nge? Kan mi tawn te a zir ani lek lo maw? A taka thleng tur angin han ngaihtuah teh– Taylor Swift khuan Pasal atan tihtakzetin rawn sawm ta tlut tlut mai che sela, a tawnah “Zo Lanu ngei…” i ti thei meuh ang maw? Chutiang bawkin, Brad Pitt tawnah “Mizo Val ngei…” i ti thei chiah ang maw? He Thu chhiartu te zingah pawh hian Hnamdang Makpa leh Mo nei kan awm ngei turah ngai ila, enge sawi duh inneih ve le?
Hman Ni chu, Aizawl City Park luh lohna a rei tawh bawka tiin, ka Office dawr haw ka peng lut mai mai a. Chhun, Ni sen sat lai ani a, a lo reh thiap a, Midang tumah ka hmu lo. Thlifim a thaw heuh heuh bawk a, a nuam reuh phian mai. Chutia ka thut chawlh mek lai chuan, Sap Tlangval leh Mizo Nula hi Kut insuih rialin an rawn lut ve a. Ka chawlhna piah, chawlhbukah chuan inhaw lo zet hian an thu dun a. Tawkfangah chuan a Mipa chuan nghet taka kuahin, duhthawh takin a fawm ta ngawng ngawng mai a. Nula-i pawh chuan alo dawngsawng tha hle bawk a. (Hmana VDP mawl deuh deuh ho khan hmu se, talhfiak nen an um leh duh mai ang em? :evil:)
He ka thil hmuh hian ngaihdan Chi 2 min ngaihtuah chhuah tir a.
Mizo Tlangval heti zat, kan awm thep-thup laia, Hnamdang Val kher a thlang/ hmangaih kha, Hnama a chian loh vang ani. Hmangaihna ti a, sawi mawi/ mam theih ani lo. Hnama chiang tak chuan “Mizo Val Ngei” a hmangaih tur ani. Kha Nula kha Hnam phatsantu dik tak ani.
“Hmangaihna” ani miau a; Hmangaihna chuan– Hnam, Sakhua leh Vun rawng a thliar si lo. Kha Nula kha tawngpawng dem ngawt tur ani lo a, Hnam phatsan ang hiala sawi tur ani hek lo. Hmangaihna ani a, Hnama chian leh chian loh vang lam a kawk lo e!
Enge inngaihdan?
‘Hmangaihna’ leh ‘Hnam Feeling’ hi engtia thliar hran tur nge? Thliar hran chi ani rèng em? Eng chena kal kawp thei nge? Ngaihdan Extreme deuh nen kan kal zel dawn nge, rilru zau tak neih kan zir dawn? Hnamdang Nupui Pasala neite hi deusawh takin, Thu dengkhawng tak tak nen kan la vawm zui zel dawn nge, Hmangaihna ani, Keini sawi phak a awmlo e… tiin kan thlir liam mai mai dawn?
Hnama chiang kan tih hi engchen nge? Kan mi tawn te a zir ani lek lo maw? A taka thleng tur angin han ngaihtuah teh– Taylor Swift khuan Pasal atan tihtakzetin rawn sawm ta tlut tlut mai che sela, a tawnah “Zo Lanu ngei…” i ti thei meuh ang maw? Chutiang bawkin, Brad Pitt tawnah “Mizo Val ngei…” i ti thei chiah ang maw? He Thu chhiartu te zingah pawh hian Hnamdang Makpa leh Mo nei kan awm ngei turah ngai ila, enge sawi duh inneih ve le?