............... Tichuan kha vaipa kha engati tehreng nge maw ni? Nidanga titi dun ngai hleilo chu kan inbe dun luam a, Ka kawmna ah chuan (Amah hi mizo nupui nei a ni a,) Mizo te chu sawn man hi a tlem em mai, Fa kan nei a, pawisa 40 ka pe a, a dangah kan nei leh a, Rs 40 kan pe leh mai a, tikhan fa nei treuh ila, an len hunah chuan min la rawn zawngchhuak tho tho ang. Kal na hmun apiangah fa a tam thei ang ber neih ka tum. Ih maw… nang chu thiantha I ni a, Kan hnam, pi leh pute atanga kan inrochun thuruk ka hrilhru ang che, “India ram hi Hindu te rorelna leh lalna hmun (Hindustan) ah siam hi kan hnam tum ber a ni. Chuvangin khawi hmuna I kal pawn kan hnam tan thei tu turin a tam thei ang ber chi thlah ang che, tiin min hrilh thin a ni. Fingvar ta che, World Trade Center Bomb darh theih dan thuruk te kha hman atanga chi inthlah pawlh, an mahni tan thei tura thisen zawmpui nei, hnathawkte zinga an awm ve avanga an tum ram ti hlawhtling thei a ni tih I hre lo mi? Ram leh hnam humhalhna ah hian Hmeichhia hian mawhphurhna sang tak an nei asin. Hei vang hi alom hnam tlemte tan chuan hnamdang nupui pasal inneih thatlohna em em chu. Chi a ti dal in buaina chawkchhuaktute hi chhui chhui chuan chi inthlahpawlh (Mixed) atanga seilian ho hi an ni deuh zel. Keini dan ah phei chuan thil theihloh tluk hial a ngaih a ni a, inneihpawlh chu awm ve bawk mahse chhiar tham lek a ni. Chu pawh chu mipui mimir in kan en dan a dang tlat a, mipa ho thikthu a chhe hle. Nangni Mizo ah hian eng vak mah in thikthu in ti lang ngai si lova, Hei kei pawn in hmeichhia, Mizo nupui ah ka nei a, Vai ramah nupui ka nei bawk a, engvakmah sawiselna ka tawk lemlo. Kan khua vai ram ah chuan min ngaisang in hnamdangah chi ka thlah ringawt pawh hi a lawm em em a, “Ram kan la zau zel e” an ti asin! Kan hmeichhia te erawh hnamdang pasal neih kan phallo mai nilo in an hnimhnaih kan phallo, a ti a, ka ngaihtuahna a kal thui khawp mai a, thuingpui chu kan lem dun khalh a, tichuan zawhna ka zawt leh ta a, Anih sawn pawm an awm ve ngai em ka ti a. Ngailo, Anih Nuthlawi? Kan tih zawm nghal zat a. Nuthlawi te chu awm ve tehreng mai. Hmeichhia Pasal nei fuhlo laklawh, in lama let leh an awm vet ho va, tin pasal sun te an ni bawk a, Mizoram anga nulat laia sawn pawm a nuthlawi an awm ve ngailo a ti a. Anih hmeichhe tleirawl Virgin lo hi an awm vet ho em? Kan tih chuan mak tih hmel deuh in min en hu a. Chutiang an awm ngailoh thu leh an hnam dan in a phalloh thu te, Nula Virginlo chu tawhsual tawh avanga Virginlo an nih thu te min hrilh a, Nuthlawi ni si lo, Nula Virginlo chu pasal tur pawh an hmu zo meuh lo a, an hmu a nih pawn an Hindu Pathian in anchhia a lawh a, an phu tawh aia chhia leh bakberh takin, mi khawngaihna dil reng reng leh inkiltawih takin an damchhung hun an hmang thin a ni. A ti a, An Pathian anchhe lawh hi an hlauh ber pakhat a ni a ti bawk a. “Malsawmna chu I kutah a awm a, anchhia pawh I kutah a awm a ni” min ti a, ka ngaithla tui khawp mai a. Mizoram ah sawn an pawm thin dan leh a man te kan kan hrilh chu mak ti em em leh nuihza bawk si hian a awm a. Sawn man chu Rs 40 chauh a ni a, kan ti chu a khi vur mai a. Chuti chu Rs 1000 lek pawh hian min daih hnem dawn a nih chu” a ti a, kan nui dun hawk hawk a. Kei lah chuan nui chungin chutiang zawnga hisap chi a ni nang ka ti a, Ka thusai lai chu kan chhunzawm leh ta a. Tun hnai hian Mizoram a hmeichhe pawl pakhat MHIP chuan sawn man chu Rs 40 atanga Rs 500 ah tihsan an tum a, ka ti chu a nuih a la za ta deuh deuh. Chu pa chuan Cheng 10000 pawn sawn kan thlak treuh thei dawn a nih chu. Mipa in nau kan pawm ve si lo, hmeichhia in an pawn seilian a, an len hnu ah kan ngaihven leh mai a, an tet lain lak phallo mahse an len hnu ah min la zawng chhuak dawn tho tho a, hnamdanga kan chi thlah awm hrim hrim kha alom kan tum, a ti a. Kei chuan anih leh sawn man hi ti Rs 50000 atanga 100000 thlengin ti pung ta vak ila enge I ngaihdan? Ka ti a, a ni chuan-
Hmeichhe thlenkhat in sumdawnna ang deuh a sum hlawh nan a hmang an awm ang. Thenkhat in duhlo mahse mi zawng zawng an inang vek si lova . Sawn pai lova nau titla an tam ang. Rs 100000 pek ai chuan tlem azawng senga nau tihtlak kha a fin thlak zawk.
Sawn man pawh chu ti sang sela a thatna lai a awm tho a, a pawimawh ber chu Nupui pasal neih dan chungchang leh hnamdang neih chungchang dan leh dun in neih mumal a ngai a, inzirtir a, hman chhunzawm nghal a ngai a, Tleirawl lai a nungchang mawi leh, Virgin lova pasal neih pawi zia leh zahthlak dan, Sex education te hril hria ula, dan mumal tak nei ula chu mizo hmeichhia te hian hnamdang pasal a neih hi a trih phah deuh ang. Dan in dah pawimawh loh vangin mizo nupuiah ka nei thei chauh a nih hi, tih pah in min melh zauh a. Ka lo ngaithla thui tawh bawk a, ka rilru a hel tan avangin za vak lo chuan ka khi sak a. A ni chuam min lo melh reng pah chuan, hetia in awm danphung pangai renga in kal chuan in makpa hmnamdang te chungah za vak lova in nuih luih a la ngai ang, min la ti hrep zui a, Alarm rawn ri chun min ti harh zawk mai a, ka tho vat a, ka in ha sawk sawk a, zing exercise la tur chuan ka kalchhuak ta a…!!